Càpita ca, pe’ assà tempura ‘ttaccata

‘a carni teni ‘u spilu d’artezzi. E u mangia

l’arria chi mina ‘a dirizzioni du volu.

Càpita nzoccu ‘nnamenthri guardi

‘nta stu minutu fermu com’n chjiovu:

l’acqua, ‘a potenzia, ‘u fissijari. (N’angiulu

mosthra ‘a sthrata a ‘na formica e si ndi vaci).

‘N viddhanu menti ‘a simenza ‘nta majisi,

‘ncugna cu ‘nu jiditu e sputa a’ sidura du domani.

‘U suli ò cojari s’aricuorda nzoccù

‘nnanzi u dici n’authru sì a’ notti.

Chisstu succedi ‘nta ‘nu centimethru cubbu

d’a cusciienza nosthra, mass o menu.

‘Nu limosinaru fissa ‘nta ll’occhji

‘nu guidaturi e a guci vascia

-Eu vogghjiu ‘na nticchjia ‘i cardu- dici

abbasta menzu gradu pemmu toccu ‘u cielu.

‘Nnanzi a lùcia ‘i ‘nu picchettu

‘i scioparanti, penzusi ‘nta ‘na paci

antichissima, tagghjianu ‘na pagnotta

ch’i mani. –V’aggiuru! Dici unu

o portu a’ casa ‘u pani o bariji

‘i sangu. Ca senza pani e sangu

n’omu esti pisciazza da jettari è gajini.

Dinnu ca ‘u pani, cunzumatu,

lìbbara ‘nta ll’arria  comu ‘n’arma

e, Ddiu u ndi perdugna, faci miracula:

pulizza ‘i feriti, risorvi ‘i mingriji

faci diventari savii ‘i pacci e…provastavu

ma’ u nc’offriti ‘na mujica è morti?