DOVE CI TROVI
- Profumo di Pane
- Coop Serra San Bruno
- La Bottega del Pulito
- Serfunghi di Luigi Calabretta
- Edicola Grenci
- Bar Scrivo
- Congrega Assunta di Terravecchia
- Museo della Certosa
- Istituto Einaudi
- Edicola Barillari
Donazione
Aiutaci a sostenere la rivista! Fai una donazione spontanea.
Pani e sangu.
- Categoria: Le poesie di Alfredo Panetta
- Visite: 1962
Càpita ca, pe’ assà tempura ‘ttaccata
‘a carni teni ‘u spilu d’artezzi. E u mangia
l’arria chi mina ‘a dirizzioni du volu.
Càpita nzoccu ‘nnamenthri guardi
‘nta stu minutu fermu com’n chjiovu:
l’acqua, ‘a potenzia, ‘u fissijari. (N’angiulu
mosthra ‘a sthrata a ‘na formica e si ndi vaci).
‘N viddhanu menti ‘a simenza ‘nta majisi,
‘ncugna cu ‘nu jiditu e sputa a’ sidura du domani.
‘U suli ò cojari s’aricuorda nzoccù
‘nnanzi u dici n’authru sì a’ notti.
Chisstu succedi ‘nta ‘nu centimethru cubbu
d’a cusciienza nosthra, mass o menu.
‘Nu limosinaru fissa ‘nta ll’occhji
‘nu guidaturi e a guci vascia
-Eu vogghjiu ‘na nticchjia ‘i cardu- dici
abbasta menzu gradu pemmu toccu ‘u cielu.
‘Nnanzi a lùcia ‘i ‘nu picchettu
‘i scioparanti, penzusi ‘nta ‘na paci
antichissima, tagghjianu ‘na pagnotta
ch’i mani. –V’aggiuru! Dici unu
o portu a’ casa ‘u pani o bariji
‘i sangu. Ca senza pani e sangu
n’omu esti pisciazza da jettari è gajini.
Dinnu ca ‘u pani, cunzumatu,
lìbbara ‘nta ll’arria comu ‘n’arma
e, Ddiu u ndi perdugna, faci miracula:
pulizza ‘i feriti, risorvi ‘i mingriji
faci diventari savii ‘i pacci e…provastavu
ma’ u nc’offriti ‘na mujica è morti?
Annunci in Bacheca
Come eravamo - Foto d'epoca
Loading script and Flickr images